<بسم الله الرحمن الحيم>
السلام عليكم ورحمة الله وبركاتة
القصة صارت على إحدى شواطئ الخليج
فيه أثنين شباب راحوا على البحر يجلسون على الشاطئ و معهم عشاهم . وهم جالسين يتعشون جتهم عجوز كبيره في السن وقعدت تلقط الأكل المنثور على الارض وتأكل. ولما شافوها قاموا وقالوها انتي جوعانة قالت أنا هنا من الصبح وما أكلت شئ . جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت . وبعد ما تأخر الوقت شالوا أغراضهم و أحسوا الشباب إن الوقت متأخر والجو بدا يبرد وما يصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي يآخذك . قالت العجوز إيه معي الرقم في ورقه . ولما طلعت الورقة . ايش تتوقعوا مكتوب فيها ؟؟؟؟؟
مكتوب ( من يجد هذه المرأة يآخذها لدار العجزه ) انصعقوا الشباب من المكتوب في الورقة وجالسوا ساعة يترجون العجوز تمشي معهم . ويحاولون فيها أنها تمشي أي مكان تبيه هي يودونه لمه. أكيد العجوز رفضت أنها تروح معهم لأن ولدها وعدها إنه يجي يآخذها وتبي تستناه لما يجي.وكانت تقول ولدي راح يجي يآخذني وأنا راح استناه . ما تدري المسكينة إن ولدها تنكر لها ورماها في الوقت الي هي فيه محتاجة له .
راحوا الشباب عنها وتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينة وقام من فراشه وغيره ملابسه وركب سيارته وراح للشاطئ . ولما وصل . شاف الإسعاف والشرطه والناس مجتمعين ودخل بينهم شاف العجوز قد فارقت الحياه
ولما سألهم عن سبب وفاه العجوز قالو له أرتفع معها الضغط وماتت . ماتت من خوفها على ولدها يمكن يكون صار له شئ . ماتت وهي تستنا ولدها يجي يآخذها . ماتت وهي بعيده عن أهلها . الله يرحمها برحمته ويدخلها من أوسع أبواب جنته .
<م ن ق و ل ه>
الخميس أغسطس 28, 2008 12:14 am
